تجربه وعي ^_^

تجربة وعي 5 حاجات علمها لابنك و بعد كده طلعه من المدرسة و سيبه يعيش حياته زي ماهو حابب وانت متطمن، عشان ميضيعش سنين عمره في سباق درجات علي الفاضي 1- الدين. 2- القراءة والكتابة والحساب. 3- اللغة العربية والانجليزية . 4- الكمبيوتر والانترنت. 5- كيفية التعلم الذاتي. بعد ما تخليه يتعلم دول و يتقنهم، هاتله لاب ونت وسيبه .. سيبه يستغل سنين عمره في الحاجة اللي بيحبها، سيبه يدور علي شغفه ومواهبه، اديله فرصة يبقي شخص مختلف شخص مميز، شخص عارف هو اتولد ليه، عارف رسالته في الحياة، اديله فرصة انه يلاقي نفسه. بالنسلة للتعلم، الكورسات علي النت لا حصر لها في كل مجالات العلم و من أكبر جامعات العالم ( هارفارد و MIT و اكسفورد و كامبريدج وغيرها ) و ببلاش و بتدي شهادات كمان لو انت همك الشهادة اللي هتبروزها و تتفشخر بيها وسط العيلة ! بالنسبة للشغل، بص في الاحصائيات هتلاقي اغلب الناس بعد ما قضت حوالي 20 سة في التعليم بيشتغلوا في مجال مختلف تماما عن اللي درسوه. واللي حب يشتغل في المجال اللي درسه اتقاله ( انسي كل اللي درسته عشان هنا حاجة تانية ) .. وصدقني ابنك لو علمته الخمس حاجات اللي فوق دول مش هيقعد في البيت بل ممكن يبقي مليونير .. و بيل جيتس ومارك وستيف جوبز واجاثا وغيرهم خير دليل حي .. بالنسبة للجواز، لو البنت اللي ابنك عايز يتقدملها يهمها شهادة جوزها عشان تتفشخر بيها قدام صحباتها و مش بتبص لعقلية الشخص نفسه يبقي دي واحدة تافهة متنفعش ابنك يا حج و قلتها احسن. مش لازم عشان المجتمع بيعمل حاجة تجبر ابنك يعمل نفس الحاجة ! لاحظ ان البشريه بالكامل فضلت قرون فاكرة ان الأرض مسطحة وانها مركز الكون . الكثره عمرها ما كانت دليل علي الصح .. ربنا هو اللي قال كده لكن اكثرهم لا يشكرون ... لا يعلمون ... لا يؤمنون ... لا يعقلون .. للحق كارهون . إن تطع أكثر من في الأرض يضلوك عن سبيل الله. تقدر تقولي الخوارزمي وابن سينا والبحتري وابن خلدون وابن النفيس وابن الهيثم والبيروني و الائمة الأربعة وغيرهم كانوا خريجين كليه ايه ؟؟ .. الناس دي كان همها العلم مش الشهادة، كانت بتسافر بالايام و الشهور عشان تطلبه في أي مكان .. عشان كده احنا كنا متفوقين في كل العلوم و كنا بنصدر العلم للدول الأوروبية اللي كانت في عصورها المظلمة آن ذاك .. ارجوك متخليش ابنك يلعب دور في المسرحية الهزلية دي، متخليهوش يمشي في السكة العادية .. يجيب مجموع عشان يدخل كليه عشان يلاقي شغل عشان يكون نفسه عشان يتجوز و يخلف عشان يشتغل من 8 لـ 4 و يربي العيال ويضمنلهم مستقبلهم وشعره يبيض ويقعد يقسم ميراثه ويكتب وصيته و يموت في سريره! #update_team