اتهامات سيد الخلق رسول الله
الكفار اتهموا الرسول بعدة اتهامات والقرآن رد عليها كلها
ونقدر نشوف حتي في اختيار رسول الله واعداده للرسالة معجزة 😃
**رسول الله كان أميا لا يقرأ ولا يكتب .. ولم يشتهر رسول الله بأنه نبغ في شعر او نثر ومعني كده انه لم يكن نابغ في البلاغة ومع ذلك رسالة رسول الله كانت بتتحدي قومه في البلاغة واللغه فلو كان صلي الله عليه وسلم .. مشهورا بالشعر والنثر والخطابة كان الكفار هيقولوا ان القرآن عبقرية ادائية لمواهب كانت عند رسول الله والمواهب تظهر في سن العشرين ولو كانت متأخره ممكن تظهر في سن الثلاثين ولكن لا تظهر فجأة في سن الأربعين ورسول الله كان عايش بينهم ولو كان عنده موهبة الشعر كان ظهر عليه
بمعني ان رسول الله لم يقل في حياته الشعر او النثر او الخطابة .. وفجأة يأتي بالقرآن الذي يعجز عنه اشهر البلغاء
الله سبحانه وتعالي علم رسول الله ان يرد علي الكفار .. بأنه عاش معاهم 40 سنه و لم يشتهر بالشعر ولا الخطابة
(15) قُل لَّوْ شَاءَ اللَّهُ مَا تَلَوْتُهُ عَلَيْكُمْ وَلَا أَدْرَاكُم بِهِ ۖ فَقَدْ لَبِثْتُ فِيكُمْ عُمُرًا مِّن قَبْلِهِ ۚ أَفَلَا تَعْقِلُونَ (16)
يعني لو الكفار فكروا شوية كانوا اكتشفوا انه مش كلام سيدنا محمد ولكن كلام الله
**تاني حاجه ... هل من الممكن ان يكون لرسول الله 3 أساليب مميزه ومختلفه عن بعضها تماما وهي اسلوب القرآن واسلوب الحديث القدسي واسلوب الحديث النبوي
كل شخص بيكون ليه اسلوب مميز ليه ولو انت مطلع علي علوم اللغة والأدب فبمجرد ما تقرأ الكلام تقول ده كلام فلان لأن لكل انسان أسلوب يميزه
اذن فاختلاف القرآن عن الاحاديث القدسية عن الاحاديث النبوية أكبر دليل بأن القرآن والاحاديث القدسية ليست من عند رسول الله
احتار الكفار يلاقوا ثغرة ازاي 😉
**فقالوا ان صلي الله عليه وسلم .. ساحر وكان الرد بكل بساطة ان المسحور ليس له ارادة مع الساحر فإذا كان رسول الله صلي الله عليه وسلم سحركم فليه لم تؤمنوا بيه ؟؟ معني انكم لم تدخلوا الايمان وبتقولوا انه ساحر .. انه لم يسحركم ادعائكم يكذب حجتكم لو كان ساحر لأجبركم ان تتبعوه وتؤمنوا
**فقالوا مجنون ن ۚ وَالْقَلَمِ وَمَا يَسْطُرُونَ (1) مَا أَنتَ بِنِعْمَةِ رَبِّكَ بِمَجْنُونٍ (2) وَإِنَّ لَكَ لَأَجْرًا غَيْرَ مَمْنُونٍ (3) وَإِنَّكَ لَعَلَىٰ خُلُقٍ عَظِيمٍ (4) فالقرآن رد عليهم وقال ان رسول الله صلي الله عليه وسلم لعلي خلق عظيم ودي مش حاجه جديده علي الكفار فهو معروف بينهم بالصدق وبالأمانه وكانوا يأمنونه علي أموالهم وكل حاجه ليها قيمة فهل في حد في الدنيا بيأتمن امواله مع شخص مجنون طبعا مستحيل .. فلا يمكن ان يكون المجنون علي خلق عظيم
**فقالوا شاعر او كاهن :{ إِنَّهُ لَقَوْلُ رَسُولٍ كَرِيمٍ وَمَا هُوَ بِقَوْلِ شَاعِرٍ قَلِيلاً مَا تُؤْمِنُونَ وَلَا بِقَوْلِ كَاهِنٍ قَلِيلاً مَا تَذَكَّرُونَ}
ورسول الله زي ما قولنا فالأول لم يكن عنده موهبه الشعر
اما لما قالو كاهن فلو احنا بنتعامل مع حد بيكدب بنفضل نسأله علي فترات متباعده عن نفس الحاجه فكل مره يغير ف الكلام
وكان رسول الله اميا وكان بينزل عليه الوحي بالآيات فيتلوها علي اصحابه وبعدين يتلوها ف الصلاة بعدها بساعات .. ولا يغير فيها حرف بمعني ان لو كان القرآن من عند رسول الله لنسي فيه وغيره لان الذاكره مش بتستوعب بنفس الألفاظ او بنفس الترتيب اللي هي قالته
علشان كده ربنا قال ( قَلِيلًا مَّا تَذَكَّرُونَ) لو قلت لحد يتكلم في موضوع معين وبعدها بنص ساعه قولتله عيده تاني .. هتلاقي انه غير في نص الكلام ونسي كلام وزود كلام
كل حاجه في حياة الرسول صلي الله عليه وسلم كان فيها معجزة تأكد علي صدقه