معجزة القرآن

من اهم معجزات القرآن ان اللفظ في القرآن لا يتصادم مع العقول وقت نزول القرآن ولا يتصادم معها بعد تقدم العلم والاكتشافات العلميه

طيب علشان نفهم اكتر تعالوا نشوف الآية دي 😃

(6) وَالْأَرْضَ مَدَدْنَاهَا وَأَلْقَيْنَا فِيهَا رَوَاسِيَ وَأَنبَتْنَا فِيهَا مِن كُلِّ زَوْجٍ بَهِيجٍ (7) لما القرآن نزل بآية " والأرض مددناها " مكنش في اي مشكله للعقول اللي بتقرا الآية دي في وقت نزول القرآن في عهد الرسول صلي الله عليه وسلم لأن الناس شايفه الأرض ممدوده او "مبسوطه "قدامها

طيب وبعد كده العلم اتقدم وعرف الناس ان الارض كروية والانسان راح الفضاء وشاف الارض علي شكل كرة

هنا وقفت بعض العقول وقالت ان في تصادم واختلاف بين القرآن والعلم 😳

بس احنا هنقولهم لا مفيش تصادم ولا حاجه .. في الآية دي ربنا محددش أي أرض اللي ممدودة وساب الكلمه مطلقة بمعني ان كل مكان علي الارض هتشوف فيه الارض قدامك ممدودة او مبسوطه يعني لو روحت القطب الشمالي او القطب الجنوبي او حتي عند خط الاستواء هتلاقي قدامك الارض دايما ممدودة وده مش ممكن يحصل ويتحقق غير لو كانت الارض كروية 😉 لأن لو الارض مربعه او مثلثة او اي شكل هندسي تاني كنت هتوصل فيها لنهاية ل الأرض .. او لحافة مفيش بعدها ارض تاني ولكن علشان هي ممدودة كان لازم تكون علي شكل كروي 😃

وبكده نلاقي ان الآيات اتفقت مع قدرة العقول في وقت نزولها وبعد اكتشاف الحقائق العلميه هتلاقيها بتتفق مع الحقيقه العلميه بشكل مذهل وده من اعجاز القرآن ولا يقدر عليه الا الله سبحانه وتعالي